فاطمه بكل عام باسم الكربلائي كتابتا
باسم الكربلائي
فاطمه بكل عام تشكر الخدام لامتنساكم يلخدمتو حسين
فاطمه باخر محرمها وصفرها
تجازي اصحاب المآتم والحضرها
لليقدم تعزيه تقدم شكرها
شكرا من الزهره يا ناس شكبرها
ينكتب اسمه بدفتر الخدمه
ربنه يرعاكم يالخدمتو حسين
تقول يوميه كنت للماتم اسعه
الناعي والرادود من يقرالي اسمعه
لو بجيتو بيدي احسب دمعه دمعه
والله كل دمعه بقبركم تضوي شمعه
العبره لوليدي توقع بأيدي
حاضره وياكم يالخدمتو حسين
اني ما انسه الخدم والباري يشهد
والصرف درهم الف مني يتسدد
يا بشر اقسم وحق شيبة محمد
كان يجبر خاطري الي يلبس اسود
كلشي دين بدين حته دمع العين
قلبي يرعاكم يالخدمتو حسين
اليلطم ويترك على صدره علامه
بهالاثر يتيز بيوم القيامه
ينحشر للجنه بثياب الخدامه
يصير جاري وهاي للخادم كرامه
الي يخدمنه منزله يمنه
الجنه ماواكم يالخدمتو حسين
بلقيامه هناك مجلس عدنه يا ناس
انشوف عاشوراء واقع موبالحساس
من نشوف حسين بس منحر بلا راس
وانه بالمحشر اشيل جفوف عباس
بساحة المحشر نبجي عالمنحر
هناك الكاكم يالخدمتو حسين
حسين لمن ينذكر لو جانو ثنين
دوم اصيرا ثالثتهم واهمل العين
يالتناشد عني وين ومرقدي وين
انه قبري كل قلب ينحب على حسين
ونتي مخفيه بكل حسينيه
جرحي واساكم يالخدمتو حسين
تعليقات
إرسال تعليق